20 годишниот напаѓач на Милан, Алесандре Пато, е избран за најдобриот млад фудбалер во светот (до 21 година) или наградата Golden boy која ја доделува Tuttosport.

Оваа награда Пато ќе ја преземе од неговиот сонародник Андерсон кој во ланската сезона се здоби со ова признание. Младата ѕвезда на Милан победи пред Стеван Јоветиќ од Фиорентина и напаѓачот на Барселона Бојан Кркиќ.

“Многу сум среќен поради оваа награда. Горд сум поради ова признание. Се надевав и на трофејот во ланската година, но завршив само 5-ти. Тогаш заслужено победи Андерсон. Се надевам дека наредната година повторно Бразилец ќе а освои наградата, Рафаел од Манчестер Јунајтед.“ - рече Пато.

Во гласањето од публиката најмногу гласови доби Миралем Прањиќ.

Дефанзивецот на Реал и на португалската репрезентација Пепе ќе мора да оди на операција на лигаментите на коленото и заради тоа ќе паузира до крајот на сезоната.

Ова го соопштија во неделата од Реал Мадрид. Пепе се повреди по еден дуел со Давид Виља при што 26 годишниот фудбалер многу незгодно падна на ногата. Со ова е доведено во прашање и неговото учесвство на СП во Јужна Африка.

“Нажалост потврдуваме дека се остварени најлошите претпоставки кои ги имавме околу повредата на Пепе. Ќе ја разгледаме опцијата за доведување на нов играч со што би ги растеретиле останатите играчи.“ - гласи во соопштението на “кралевите“.